Hüt am Morge won i miner Blueme bschüttet ha, han ni bim Sprützchanne fülle so für mi dänkt, was würdi mir jetz mache, wenn zu däm Schluuch us kei Wasser meh chämti?
Mir si a keim Netz vor e Gmeind aagschlosse. Wo mir vor 17 Jahr uf üse Bärg züglet si, hei mir säuber müesse luege, ob und wie viel Wasser mir finde. E Kompanie vo Cranbrook het denn zu Mal für üs Wasser gsuecht, gfunde und de bohret.
Uf 85 Meter abe hei si müesse und dört unger sigi e ganze See, het me üs gseit. Mir hei e gueti Well, sie produziert fasch 3 Gallone (11.35 l) i der Minute. Es isch guets Trinkwasser und Zämesetzig so, dass mir nid müessti filtere. Das mache mir aber trotzdäm, wüues Ise drin het. Das git gärn Roschtfläcke i der Dusche und im WC. I ha am Aafang immer z'Gfüehl gha, üses Wasser "blächelet" und ha de e Britta Filter fürs Trinkwasser brucht. Sit mir jetz eifach e Filter für die ganz Aalag hei, isch aues guet. Derfür hei mir absolut ke Chalk i üsem Wasser.
Aber äbe, es hät o anders chönne ga.....mir kenne Lüt won es Stück Land kouft hei und uf däne ganze 2 ha ke Tropfe Wasser gfunde hei. Ja söttigi Sache si früehcher passiert. Hüt muess me, wenn me wott Land verchoufe, bewiise, dass es ou Wasser gäbti. I finde das nume fair.
Was wott me scho mache ohni Wasser? Es git zwar scho Homesteader, wo ihres Wasser müesse i Kontainer oder Fässer reiche und uuffülle.
Das müesse mir Gottseidank nid und drum han i hüt am Morge wieder einisch "Danke" gseit für de Luxus wo mir jede Tag dörfe bruche......
Me cha aber ou Danke säge wenn me Deheime i der Stadt, der Wasserhahne ufdräit.....ou das Wasser chunnt vo nöime, het mängisch e wyte Wäg und isch nid unerschöpflich und säubschtverständlich.
Lydia Koot: We really take water for granted and as you say Ursi, we don’t really realize how much we use, until we can’t just open the tap anymore.
AntwortenLöschenWhen we lived in Lillooet and had the big fire in 2004, we had to boil the water for month because of all the fire retardant. We were not even allowed to use it to brush our teeth.
Than you figure out quickly how much we use and how much we just let go down the drain.
Ursula Thierwächter: ja genau, wir Menschen brauchen ab und zu eine Situation die uns wieder zeigt, dass es nicht selbstverständlich ist......
Claudia Marolf: schön gschriebe: Mir hei vor äs paar Jahr kei Wasser meh dörfe brueche, ohni abzchoche wüw mer e coli gah hei - mir hei ganzi drü Monet kei Wasser dörfe brueche - da hani erscht gseh, wievieu mir brueche, scho nume fürs Zähputze. Und wos de ufghobe worde isch, hani Wiehnachte und Geburtstag gliechzietig ka - wahnsinnig, dä Wasserverbruech wo mir hei.
AntwortenLöschenUrsula Thierwächter: Claudia, ja stimmt, mi isch sich das gar nid bewusst. Mir hei ja für 2 Jahr ke Wasser im Huus gha und da han i afa realisiere, was eim abgeit, ohni Wasser.....I bruche sehr bewusst Wasser und immer mit em "Danke"......dass es ou füt hüt gnue het......
Lüdi Bethli: Äs git au lüüt- wo auno i de Ferie puure Luxus bruche und no motze wenns nit grad verfüegbar isch
AntwortenLöschenUrsula Thierwächter ja, wenn es nume für sie längt.....sie hei ja schliesslich zahlt derfür.....egal was die Iiheimisch drum ume müesse entbehre deswäge......
Ursula Vansickle Hauenstein, Ig Ha au glehrt Wasser spare,I ha mal für a ganze Winter kei flüssig s Wasser gah .Ha jede Liter Wasser vor Cisterne is Hus trage .Da lehrtme Wasser spare .Da wo nig jetzt wohne Isch a Dougout ( a große Teich ) u mir hei für Trinkwasser as ufbereitigs Grät .Wen mir mengisch Bsuch hei ,di verstönd nit wen de sägsch” nit stundenlang Dusche “
AntwortenLöschenUrsula Thierwächter: ja das kennnen i ou......mir hei zwar e gueti Well, aber i säges o gäng.....düet doch zwüsch iche abstelle.....nid eifach la loufe und i Spiegu luege.......mir hei die erschte 2 Jahr ke fliessend Wasser gha.....i weiss wies duet......aues muess me häre träge......isch für üs "normau Städter Schwizer" gar nüme vorsteubar......