Gseht er nid gluschtig us dä Bärnerchueche vo de Tobler? Scho länger han i ne gseh stah im Tiefchüehlfach, näbe de Chees cake. I ha sehr gärn Toblerone Schoggi - wo me ou hie in Canada, fasch überall cha choufe. Nach es paar ne Wuche glüschtele, han i du doch vo letscht eine kouft. A der Kasse het me mi gfragt öb i ne scho kenni? Öb i ne gärn heigi?
I ha müesse zuegä, dass i bis jetz no keine kouft heigi und das mi erscht Toblerone Chueche sig. Mir si üs de aber -- wägem Biudli --- einig worde, dass er sicher sehr guet müessi si.
Und natürlich han i wieder müesse säge, dass die Toblerone äbe for Schwiz chäme, wien i!
De het me aubes scho grad es Gschprächsthema.
Item, Deheime hei mir de Chueche aagschnitte und probiert und sie häll begeischteret gsi. Auso so nussig, schoggoladig und glichzytig zart......i ha grad no eine Hei gno.....me weiss drum nie, öb sie das Produkt wieder bstelle. I ha mi de o gfragt, öbs ne ächt i der Schwiz o gäbi? Will, solang i z'Nidau gwohnt ha, han i de Chueche nie gseh.
Us Gwunder dür wän er überhoupt importiert wird, dräjien i s'Schachteli um und lise:
Made in Sweden!!
Silvia Dünneisen: Njammm! Myni Tochter liebt "Mars" über aus. I wett scho lang mau ä Mars-Turte für se erfinge. Irgendwie het's sech aber no nie ergä ..... U für mi säuber ä Bounty-Turte. Aber mit dunklem Schoggi.
AntwortenLöschenDebora Bernhardt Marsturte müesst de rot si wie dr Mars. Wär de Niveau 2.
Ursula Thierwächter Silvia, bi üs gits die Kombination vo Mars in ere Glace.....
Deborah Bachmann Trummer: I gloube fasch de chasch ir IKEA choufe hie ir Schwiz,absr dert steit niene Toblerone drufe
Ursula Thierwächter I würd so ne Chueche nie säuber mache.....aber choufe jederzyt..:-)
Verwalten
Madeleine Feller Die gseht de gluschtig us. Bi grad schnäu bim Herr Google ga luege u ha se gfunge. O Rezäpt für Bounty -u Mars -Turte. Wird ig de ömu probiere,
AntwortenLöschenDeborah Bachmann Trummer I gloube fasch de chasch ir IKEA choufe hie ir Schwiz,absr dert steit niene Toblerone drufe
Sandra El Koudsi-Winterberger; Lueg Ursula bim Aldi chasch ne koufe 😋. Isch aber Tiefgefroren. Ha dä aber ou no nie gseh. Muessi de ou grad probiere. Ha vo letscht es Tobleronemousse gmacht soooo fein gsi
AntwortenLöschen