Der Beni....wenn er schlaft chan är kes Wässerli drüebe.....
Us däm chline Bueb, isch jetz e starche, sälbschtbewusste Kater worde und äbe ou es chlises Monschter. Er jagt aues was sich bewegt.....Eichhörnli, Müüs, Streifehörnli und vorallem isch er hinger de Vögeli nache. Was ig ihn eis wägg jage.....nützt aues nüt. Der Beni hocket sogar is Vogelhüsli ine....es isch scho ganz schiech.
Da steit es no grad uf Stamm.......
Hüt am Morge, won i der Beni öppe zum 3. Mal ha usem Hüsli gjagt gha --- i due ne mit Schneeballe verjage --- han i zu mir gseit; "so jetz längst mir". Jetz muess i zu härtere Massnahme gryfe. I ha es Chübeli Wasser parat gmacht um de schnäu chönne z'reagiere, wenn de Bueb wieder im Vogelhüsi hocket. Es isch gar nid lang gange, seit der Urs;"Der Beni isch de wieder dinne!" I nime das Chübeli mit em Wasser, renne use bis vors Vogelhüsli und schimpfe derby lut vor mi hi.....
Das cheibe Büsi weiss genau, dass es der Grund vo däre Aktion isch und gumpet vom Boumstamm wo s'Hüsi druffe steit abe. I bringes nid übers Härz und schiessen ihm nume chlei Schee nache.
Plötzlich rüeft der Urs....uuhhh, i gloube der Benu het öppis verwütscht!" So, auso jetz längst definitiv! I ga use und gseh, dass vor em Beni es Vögeli huuret......i weiss nid öbs nume Angscht het, oder öbers scho verletzt het. I nime das chlyne Wäse uf d'Hand, putzen ihm fyn der Schee ab em Chöpfli. Nach es paarne Sekunde schüttlet sich das Vögeli und flügt wieder wäg.
"Vo jetz a Kater, kennen i kei Erbarme meh, das säg der auso." Z'Büsi luegt mi nume liecht gnärvt a und louft dervo.
Es geit ke Viertelstund, gsehn i de Kater scho wieder vor em Vogelhüsli luure. Wieder nimen i s'Chübeli mit em Wasser ga use und dusche de Benu vou. So, jetz hesch der Dräck du frächi Chatz! Das Spieli het sich --- dir gloubets nid --- no 4 Mal wiederholt.
Was hei o die Chatze für herti Gringe.....und der Benu isch doch gar ke Bärner!
Irma Winterberger: Das isch jetzt äs härzigs Gschichtli
AntwortenLöschenUrsula Thierwächter: danke Irmeli und e schöne Sunntig
Anita Devaux-Rihs: So si äbe Chatze🐈
AntwortenLöschenUrsula Thierwächter: ja i weiss....trotzdäm hets mi dünkt es längi de öppe
Hans-Peter Gubler Sooo guet Ursula Thierwächter, cha Dir ...... u natürlich em Beny voll nachefüehle. D Natur isch halt, wi sii isch.
AntwortenLöschenUrsula Thierwächter ja du seisch es Hans- Peter |Hans-Peter Gubler
Lydia Koot: That really made me laugh Ursi, kitties have their own mind and if they want something, no water will keep them from it😂😂 but keep doing it, maybe the penny will drop and kitty gets the ooint😊😬❤️
AntwortenLöschenUrsula Thierwächter: Lydia, Lydia Koot es kommt jetzt drauf an, wer geduldiger ist :-)
Alfred Wittwer: muesch em as Gloeggli alege das Voegel ghoere wen er chunt
AntwortenLöschenUrsula Thierwächter: ja genau....das isch mir jetz gar nid i Sinn cho!! :-) Öb de der Beni freud het?
Joe Schult: Ganz haerzig Ursula. Mir wuensche eu au a guede Sunndig.
AntwortenLöschenUrsula Thierwächter: super danke Joe Schult .....für euch ou...gueti Sunntig und liebe Gruess vo üs
E luschtigi Gschicht, ha wieder härzlich glachet! :) Weisch, viellicht färbt haut der Bärner Gring immer e chli ab. Bi mire Aika (es chlises Hundeli) dänke ig das mängisch ou. We si bi de Gescht für öppis guets bättlet und wenn ig rüefe der gliche tuet aus wär sie toub. Wo si süsch doch immer schnäu chunt wen ig rüefe. Danke für die allerliebschti Gschicht Ursula. :)
AntwortenLöschen